Lekeitioko Pilota Torneoak baditu lehen finalistak: Irujo eta Zabaleta. Oso gutxigatik, tanto eskas batengatik lortu zuten Xala eta Zubieta irabaztea. Justu-justu. Bi bikoteek merezi izan zuten finalean egotea, baina zortea Irujoren eta Zabaletaren aldean egon zen.
Partida gogorra izan zen. Xalak eta Zubietak izugarri sufritu zuten eta bukaeran dominatu zuten. Gainera, zeresana eman zuten bi jokaldi polemiko gertatu ziren: Zabaletak Zubietari bidea moztu zion 8-11n eta etxarrendarrak bigarren botean jo zion pilotari 18-21ean. Horrek partida Xala eta Zubietari ematea ekarriko zuen, eta, hortaz, polemikoa izan zen.
Hala ere, lau pilotariek dena eman zuten eta partida bikaina eskaini zuten. Xala ongi hasi zen, eta Zubietak bikain defendatu zuen. 4-10 aurreratu ziren. Baina Egoerari buelta ematea lortu zuten Irujo-Zabaletak, 14ra berdinduz. Hortik aurrera 14-19 eta 19-21 aurreratu ziren Xala eta Zubieta, baina, bukaeran, erabaki polemikoa tarteko, 22-21 irabazi zuten Irujok eta Zabaletak, Lekeitioko finalerako sailkatuz.
Final handia ostiralean jokatuko dute, 17:00etan (ETB1). Irujok eta Zabaletak Urrutikoetxea eta Albisu izanen dituzte aurkari.
Xala-Zubietari 22-21 irabazi zieten, tentsio handiko partidan. Urrutikoetxea eta Albisu izanen dituzte aurkari final handian