Herri Lan Departamentuak 2008ren urte hasieran Sakanako hainbat errepidetan babes-hesien azpian beste metalezko xafla bat jarri zuen, lurreraino iristen dena. Hala, puntu horietan erortzen diren motor gidariek eta txirrindulariek ez dute babes-hesien zutoinen kontra jotzen. Izan ere, metalezko zutoin horien ertzak , erorketaren abiadurarekin batera, labanen gisa jokatzen dute eta hainbat motor-gidarik eta txirrindularik beso edo hanka zatiak galdu dituzte.
Departamentuak 2009an utzi zion errepideetan babes-hesi babestuak jartzeari edota ertzik gabeko zutoinak jartzeari. Horregatik, motor-zale elkarteek haien segurtasuna bermatuko duten neurriak hartzea eskatu diote Nafarroako Gobernuari.
Motorzaleak babesteko sistema Sakana zeharkatzen duten errepideetan
Errepidea Metroak
Sakana NA-2410 348
Iruñea-Gasteiz NA-240-A 64
Asterain-Irurtzun NA-7010 112
Irurtzun-Madotz-Lekunberri NA-7500 40
Lizarra-Beasain NA-120 726
Irurtzun-Gipuzkoako muga NA-1300 3.406
Lizarra-Olatzagutia NA-718 1.536
Aralarko santutegia NA-7510 108
