Larunbatean Nafarroako Trontza Txapelketa Mistoa jokatu zen Igantzin. 6 bikote mistok hartu zuten parte, eta 45 ontzako enborrari 10 ebaketa egin behar zizkioten. Baztan Bidasoako Gure Kirolen Kluba taldeko Xabier Urrutia arraioztarra eta Nerea Sorondo beratarra izan ziren txapeldunak (4:32). Bigarren posturako lehia oso estua izan zen. Azkenean Beunzako Mikel Eugik eta Sakanako Irati Astondoak lortu zuten txapeldunorde izatea (4:55.31), Arraiozko Daniel Saldiasi eta Berako Amaia Garciari (4:55.82) ehuneneko eskas batzuk aterata.