Hirugarren aldiz Ene Kantak proiektuko kideek haurrendako euskarazko abesti berri eta freskoak sortu dituzte. Batzuk herri kantuak moldatu eta gaurkoak dira; guztiak itsasoaren gaineko hitzekin sortuak. Gainera, DVDan abesti bakoitzeko bideoklip bana dago eta han haurrek erraz imitatzeko moduko koreografiak daude.
Aurreneko diskoko irabaziak Sortzen-i eman zizkioten eta bigarrenekoak Nafarroako Bertsolari Elkarteari. Hirugarren diskoarekin lortzen diren etekinen erdia Euskalerria Irratia laguntzeko izanen da eta beste erdia Ene kantak-en hurrengo proiektuarendako. 20 kanta berri horietan kantuan aritu dira makina bat abeslari, baita sakandarrak ere: Igor Ijurra eta Hesian taldeko Zuriñe eta Fran.