Sakanako ikastetxe publikoetako 3 eta 6 urte bitarteko 508 ikaslek astean hirutan fruta gosaltzen dute. Lastailaren 20an hasi eta bihar bukatuko da, sei astez. Kanpaina horren bidez elikadura ohitura osasuntsuak sustatu nahi dute Hala, gizentasunari aurre egin, zenbait gaixotasunen prebentzioan lan egin eta haurrek frutarekiko estimua handitzea lortu nahi dute. Ikasleek fruta hauek dastatzeko aukera izan dute: meloia; konferentzia eta blanquilla udareak; gala, golden eta fuji sagarrak; platanoa; mandarina; laranja eta azenario snaka.
Ikasleek fruten eta berduren onuren berri ematen dituzten kartelak ere ikusi dituzte euren ikastetxeetan. Nafarroako Gobernuak eta Europako Batasunak sustatutako kanpaina da. La Caixa fundazioak ekimenarekin bat egin eta etxean kontsumitzeko fruta jaso dute ikasleek ere.
Herria Ikastetxea Ikasle kopurua
Irurtzun Atakondoa ikastetxe publikoa 145
Uharte Arakil Aralarko Mikel donea ikastetxe publikoa 25
Lakuntza Luis Fuentes ikastetxe publikoa 33
Arbizu Arbizuko herri eskola 21
Etxarri Aranatz San Donato ikastetxe publikoa 80
Iturmendi Arrano Beltza ikastetxe publikoa 12
Altsasu Zelandi ikastetxe publikoa 137
Olatzagutia Domingo Bados ikastetxe publikoa 55
Guztira: 508
