Udazken guztia langabetuen kopurua antzeko zifretan ibili ondoren, urteko azken hilean gorakada handia (%8,73) izan zuen langabeziak Sakanan. Emakumezkoak 838 ziren (%51,13, 7 gutxiago), gizonezkoak, berriz, 801 (%48,87, 89 gehiago). Langabe gehien biltzen dituen adin tartean 45 urte edo gehiagokoena da, 745 (%45,45, 17 gehiago). Haren atzetik 25 eta 44 urte bitartekoen artekoa dago, 736 (%44,91, 64 gehiago). Azkenik 25 urte baino gutxiago duten langabeak 158 ziren (%9,64, 1 gehiago). Sakanan Nafarroako langabeziaren %3,43 genuen lastailean (sakandarrak herrialdearen populazioaren %3,19 gara).
Sektoreka
Zerbitzuen arloan lan egin nahi luke Sakanako langabeen %57,35ek (940, 30 gehiago). Industrian aritzeko prest daudenen eskaerak %27,88 dira (457, 48 gehiago). Eraikuntzarako eskaerak, berriz, %6,83 dira (112, 13 gehiago). Lehen sektorearen aldeko hautua langabeen %2,62k egin dute (43, 1 gutxiago). Azkenik, aurretik lanik egin ez dutenen kopurua %5,31koa da (87, 8 gutxiago).
Kontratuak
Abenduan Sakanan 485 kontratu sinatu ziren (43 eta %8,14 gutxiago). Emakumezkoek %51,55 sinatu zituzten (250, 14 gehiago). Gizonezkoen sinadura dute kontratuen %48, 45ek (235, 57 gutxiago). Sinatutako kontratuetatik hasieratik mugagabeak zirenak %2,47 besterik ez ziren (12, 1 gehiago). Abenduan mugagabe bihurtutako kontratuak %3,09 izan ziren (15, 8 gehiago). Izan ere, kontratu gehienak, %94,43, aldi baterakoak ziren (510, 52 gutxiago). Nafarroan urteko azken hilean sinatu ziren 22.567 kontratuetatik Sakanan sinatutakoak %2,15 ziren.
Urte arteko aldea
2013ko abenduarekin alderatuta Sakanan 131 langabe gutxiago daude, %7,4ko jaitsiera. Gizonezkoen artean langabeak 97 gutxiago dira (%10,8 behera). 34 emakume langabe gutxiago daude urte bat geroago, (%3,89ko jaitsiera). Adin tarteei dagokienez, jaitsiera handiena 25 eta 44 urte artekoen tartean eman da, 73 gutxiago, %9,02ko jaitsiera. 45 urte edo gehiago duten langabe sakandarren kopurua 46an txikitu da, %5,81. 25 urte baino gazteen tartean 12 langabe gutxiago daude urte baten buruan, %7,05 gutxiago.
2014ko kontratazioa
Joan den urtean Sakanan 7.272 kontratu sinatu ziren. Haietatik %54,02 (3.928) gizonezkoek sinatu zituzten. Emakumezkoek, berriz, kontratuen %45,98 (3.344) sinatu zituzten. Kontratu horietatik %95,7 (6.959) aldi baterako bezala hasi ziren. Hasieratik mugagabe izan ziren kontratazioak %2,6 (186) izan ziren. Azkenik, mugagabe bihurtu zirenak %1,71 (%124) izan ziren.
Langabezia herrika
