Txirrindulari amateurrek hiru lasterketa dituzte egunotan. Lehena gaur, Euskaldun Torneorako baliagarria, Caparroson jokatuko den Caparroso Hiria Trofeoa, 9:30ean abiatuko dena (161 km). Asteburuan jokatuko diren beste bi probak Lehendakari Txapelketarako baliagarriak izango dira. Larunbatean Laukizen ariko dira afizionatuak, 10:00etan (117,5 km) eta, igandean, 38. Cirilo Zunzarren Memoriala jokatuko dute Lizarran, 10:00etan (124 km).
Bestalde, igandean juniorrek Tafalla Zikloturista Trofeoa dute jokoan Tafallan (76 km) eta igandean ere Cascantek BTT proba hartuko du, Virgen del Romero Trofeoa. 10:00etan eskolen probak jokatuko dira, eta 11:00etan proba nagusia.