Abendu akaberan 82 langabe gehiago zenbatu zituzten Nafarroako Enplegu Zerbitzuan. Abenduak langabeziak gora egindakoa bi hilabeteetan berdindu da. Izan ere, ilbeltzean 29k opatu zuten lana eta otsailean beste 53k. Otsaileko jaitsiera %3,29koa izan da. Emakumezkoak dira langabetu gehienak, 828 edo %53,18 ( aurreko hilean baino 26 gutxiago). Gizonezko langabeak, berriz, 729 edo %46,82 dira (27 gutxiago).
Adin tarteari dagokionez, 45 urte edo gehiago dutenen adin tartea da handiena: 721 edo %46,31 (23 gutxiago). 25 eta 44 urte bitarteko langabeak 691 ziren, %44,38 (27 gutxiago). 25 urte baino gutxiagoko langabetuak 145 ziren, %9,31 (3 gutxiago).
Sektoreka
Langabezian dauden sakandar gehienek, 925ek edo %59,41ek, zerbitzuen sektorean lan egin nahiko lukete (30 gutxiago). Industriarako lan eskatzaileak 397 edo %25,5 ziren (25 gutxiago). Eraikuntza eta lehen sektorean aritzeko eskaerak bere horretan mantendu dira hilabete batetik bestera: 110 (%7,06) eta 39 (%2,5). Azkenik, aurretik lanik egin ez dutenen kopuruak gora egin zuen eta otsaila akaberan 86 ziren, %5,52 (2 gehiago).
Kontratuak
Otsailean sakandarrek 541 kontratu sinatu zituzten, ilbeltzean baino 167 edo %23,58 gutxiago. Gizonezkoek kontratuen %53,42 sinatu zituzten (289, 95 gutxiago). Emakumezkoen sinadura kontratuen %46,58k zuten (252, 72 gutxiago).
Aldi baterako kontratazioa izan zen nagusi otsailean: %95,56 (517 kontratu, 150 gutxiago). Sinatutako kontratuetatik hasieratik mugagabeak %2,59 izan ziren ilbeltzean (14, 16 gutxiago). Otsaileko mugagabe bihurtutako kontratuak %1,85 izan ziren (10, 1 gutxiago). Nafarroan otsailean sinatu ziren 21.794 kontratuetatik %2,48 sakandarrenak ziren.
Langabezia herrika
Herria Langabetuak Aldea
Arakil 49 -5
Irurtzun 159 1
Irañeta 11 -2
Uharte Arakil 54 -2
Arruazu 4 1
Lakuntza 65 -6
Arbizu 60 -8
Ergoiena 16 0
Etxarri Aranatz 150 -8
Bakaiku 12 -3
Iturmendi 24 -1
Urdiain 29 -1
Altsasu 781 -15
Olatzagutia 117 -6
Ziordia 26 2
Sakana 1.557 -29