Euskararen Gizarte Erakundeen Kontseiluak Iruñeko Anaitasuna kiroldegian ekitaldia antolatu du apirilaren 25erako, 18:30ean. Nafarroan behar beharrezkoa den hizkuntza-politikarako proposamena aurkeztuko da ekitaldian. Sakanako Mankomunitateko Euskara Zerbitzuak Anaitasunara autobusez joateko aukera eman du. Autobusa Ziorditik 16:30ean abiatuko litzateke. Izena eman nahi duenak asteazkeneko 14:00ak arteko epea du euskara@sakana-mank.com helbidean edo 948 464 840 telefonoan izena emateko.
Ekitaldia, eta gehiago
Kontseiluak antolatutako ekitaldiaren harira Iruñerriko euskalgintzak eguna girotzeko Ezkaba mendirako lasterketa ez lehiakorra antolatu du apirilaren 25erako, 10:00etan Errotxapeatik abiatuko da. Bestalde, Anaitasuna kiroldegiko jatetxean Julio Soto, Alaia Martin eta Fredi Paiarekin bertso-bazkaria izanen da. Informazioa euskarazbizinahidut@gmail.com helbidean eska daiteke. Azkenik, 17:00etan, Baratxurien plazatik kiroldegirako kalejira abiatuko da.
