Igandean 22. Donejaku bideko lasterketa jokatu zen Zizurren. 207 korrikalarik osatu zuten 10 km-ko proba. Etxeko atletak gailendu ziren, Javier Nagore (32:59) eta Maitane Melero (38:53). Adur Senar lakuntzarra ongi moldatu zen eta 11.a sartu zen helmugan (35:32). Kaxi Estarriaga 49.a izan zen (39:47), Joxe Mari Mercero 174.a (50:17) eta Saray Garasa 179.a (50:56).
Bestalde, 5 km-ko proba Ion Anduezak irabazi zuen (18:17). Asier Estarriaga 11.a sailkatu zen (21:54).
Sakandar asko Leitzan: Raul Audikana 15.a
Leitzak 37. Herri Krosa hartu zuen igandean (10 km). Aimar Boziane gailendu zen 105 korrikalarien artean. Raul Audikana olaztiarra 15.a sartu zen (36:18), Aritz Pellejero 17.a (36:42), Iban Gonzalez 20.a (36:57), Martin Somocurcio 41.a (41:35), Santi Agirre 53.a (42:19), Ion Zubiria 54.a (42:21), Luis Flores 56.a (42:31) eta Luis Migel Galindo 76.a (47:17).
Nagorek eta Melerok irabazitako Donejakue bideko proban maila bikaina eman zuen lakuntzarrak