Joan den urtean estreinakoz Arakilgo eta Irurtzungo udalek botanika ibilaldia antolatu zuten. Felix Rey Bakaikoak gidatuta hamar pertsonek Irurtzun inguruan dauden landareak gehiago ezagutzeko aukera izan zuten. Esperientzia horri segida ematea erabaki dute eta iganderako botanika-ibilaldi berria antolatu dute udalek. Udaberria bete-betean gaudela baliatuta, Reyk baso-loreen inguruko argibideak emanen ditu. Elkartzeko hitzordua, 10:00etan, Plazaola hotelean jarri dute. Handik Etxeberrira abiatuko dira, hilerrian hasiko baitute ibilbidea.