Premia larria duten pertsonen artean banatuko dituen jakiak bildu nahi ditu gaur eta bihar Nafarroako Elikagai Bankuak. Olioa, arrain, haragi- eta barazki-kontserbak, lekaleak, gailetak eta kakao disolbagarria eskatu ditu, baita jakiak prestatzeko energia kontsumo handia eskatzen ez duten jakiak ematea ere, energia-pobreziak jakiak prestatzeko diru handirik uzten ez diolako jende askori. Gaur eta bihar boluntarioak denda handietako ateetan izanen dira jakiak biltzen. Herrietan, berriz, aurreko aldietako bilketa puntuak zabalduko dira.