Txupinazoarekin batera abian da Sanferminetako Binakako Torneo famatua. Sei bikote ariko dira lehian. A multzoan Olaizola II-Untoria, Berasaluze II-Albisu eta Altuna III-Rezusta, eta B multzoan Urrutikoetxea-Beroiz, Irujo-Barriola eta Ezkurdia-Zubieta. Bikote sakandarra gaur hasiko da lanean. Bengoetxea VI.a ordezkatuko duen Urrutikoetxea eta Beroiz izanen dituzte aurkari, gaueko 22:15ean hasiko den jaialdian. Partidako galtzaileek Irujoren eta Barriolaren kontra jokatuko dute garilaren 10ean, eta irabazleak ere Irujo-Barriola izango dituzte aurkari garilaren 12an.