Sanferminetako herri kirol jaialdien barruan, astelehenean Nafarroako III. Mailako Aizkora Txapelketako kanporaketa hartu zuen Foru Plazak. 8 aizkolari lehiatu ziren, tartean bi sakandar: Iosu Agirre arbizuarra eta Abel Uria olaztiarra. Bi kanaerdiko erdibitu behar izan zituzten. Oier Kañamares izan zen azkarrena (4:46), Joxean Etxeberria (5:41), Jon Telletxea (6:05), Iosu Agirre (6:34) eta Moises Gogorza (8:11) aizkolarien aurretik. Lehendabiziko bost sailkatu hauek agorrilaren 15ean Ezkurran jokatuko den final handirako sailkatu ziren. Abel Uria olaztiarra sailkatzeko zorian egon zen, seigarrena sailkatu baitzen (8:48). Esteban Pikabeak (9:16) eta Koldo Garciak (12:07) itxi zuten sailkapena.