Garagarrila akaberan aurreko hilean baino 132 sakandar gutxiago zeuden Nafarroako Enplegu Zerbitzuan izena emanda: 1.281. Duela urte bat 264 sakandar gehiago zeuden zerrenda horretan. Sakandarrak Nafarroako populazioaren %3,19 izanik ibarreko langabeak %2,99 dira. Zifrak aldatuta ere langabe gehienak emakumeak ziren: 736 (%57,46 eta aurreko hilean baino 74 gutxiago). Gizonezko langabeak, berriz, 545 ziren (%42,54 eta 54 gutxiago). Langabezia jaitsi ahala generoen arteko aldea handitu egiten da. Duela urte bat aldea 9 puntukoa zen, orain 15ekoa da.
Adinari dagokionez, langabeen erdiak (%49,8) 45 urte edo gehiago dituzte: 638 dira, aurreko hilean baino 26 gutxiago. 25 eta 44 urte bitarteko langabeak %41, 53 dira, hau da, 532 (64 gutxiago). Azkenik, 25 urte baino gutxiagoko langabetuak %8,67 dira, 111 gazte (42 gutxiago).
Sektoreka
Sakanako 10 langabetuetatik 6k zerbitzuetan lan egin nahiko luke. 760 dira (%59,33 eta 101 gutxiago). Industrian lan egiteko prest zeudenak 321 ziren (%25,06 eta 7 gutxiago). Eraikuntzarako lan eskatzaileak 77 ziren (%6,01 eta 12 gutxiago). Lehen sektorean aritzeko prest leudeke 32 sakandar (%2,5 eta 6 gutxiago). Azkenik, aurretik lanik egin ez dutenen kopurua 91koa zen (%7,1 eta 6 gutxiago).
Kontratuak
Garagarzaroan sakandarrek 884 kontratu sinatu zituzten, aurreko hilean baino 278 gehiago. Gizonezkoek 486 sinatu zituzten (%54,98 eta 163 gehiago) eta emakumezkoek, berriz, 398 (%45,02 eta 115 gehiago). Gehien sinatutako kontratu mota aldi baterakoa izan zen: 852 (%96,38 eta 286 gehiago). Lehen egunetik kontratu mugagabearekin lanean hasi ziren sakandarrak 17 izan ziren ((%1,92 eta 4 gehiago). Garagarzaroan mugagabe bihurtu ziren 15 sakandarren kontratuak (%1,7 eta 12 gutxiago).
Aurreko hilean kontratazioaren motorra zerbitzuen arloa izan zen, 508 kontraturekin (%57,47 eta 205 kontratu gehiago). Kontratazioan nabarmendutako hurrengo sektorea industria izan zen, 347 sinadurarekin (%39,25 eta 68 gehiago). Eraikuntzarako kontratua 26 sakandarrek sinatu zuten garagarzaroan (%2,94 eta 6 gehiago). Lehen sektorean, azkenik, aurreko hilean 3 kontratu sinatu ziren (%0,34 eta 1 gutxiago). Nafarroan garagarzaroan sinatu ziren 32.422 kontratuetatik %2,73 sakandarrenak ziren.
Langabezia herrika
Herria Langabetuak Aldea
Arakil 34 -1
Irurtzun 134 -31
Irañeta 6 -1
Uharte Arakil 42 -12
Arruazu 5 1
Lakuntza 60 -7
Arbizu 60 -3
Ergoiena 8 0
Etxarri Aranatz 130 -4
Bakaiku 9 -6
Iturmendi 19 -1
Urdiain 27 0
Altsasu 633 -56
Olatzagutia 98 -7
Ziordia 16 -4
Sakana 1.281 -132
Urte erdia langabezia jaisten
Garagarrilean ere Sakanako langabeziak behera egin zuen eta 1.281 sakandar ziren enplegu bulegoan izena emandakoak, urte hasieran baino 358 gutxiago.