Sakanako Mankomunitateak batzarra eginen du gaur. Aurreko legegintzaldiko batzarkideak atzenekoz elkartuko dira azken erabakiak hartzeko. Joan den urteko diru-kontuak ixtearekin batera, 50 edukiontzi erosteko diru-sailari oniritzia emango diote. Azken hilabeteetan erreak izan diren edukiontziak ordezkatuko dituzte. Erosketa horretara 15.000 euro bideratuko ditu Mank-ek.
Plantilla organikoan ere aldaketak onartuko dituzte batzarkideek. Hondakinen teknikari lanpostua sortuko da eta bere egitekoa hondakinen alor guztia kudeatzea izanen da. Orain arte Mank-ek hiru hezitzaile ditu. Egungo lehendakari Aitor Karasatorre Muguruzak esan digu oposizioa aurten deitu nahiko luketela. Bestalde, plantillan idazkari-kontu-hartzaile lanpostua sortu da eta Cristina Ziaurrizek bete du. Horrekin batera, irailetik Mank-en kudeaketa lana egin duen Natalia Razkin administrari lanpostura bueltatu da.
Batzar berria
Udal berriak osatuta, Mank-eko batzar berria iraila hasieran osatzea aurreikusten du Karasatorrek.