Igandean Mugagabe Traila jokatu zen Laudion. Bi distantzia zeuden aukeran: maratoia, 42 km-ko proba, eta 25 km-ko lasterketa. 27 korrikalarik osatu zuten maratoia eta Iñaki Martiarena izan zen azkarrena, lau ordu pasa korrikan aritu eta gero (4:23:29). Uhartearrak 10 minutu pasa atera zizkion Okondoko Jose Felipe Larrazabali (4:34:40). Joxeja Maiza etxarriarrak ere proba bikaina egin zuen eta podiumera igo zen, hirugarren postuan (4:35:40). Emakumezkoetan Lide Gorostiola larrabetzuarrak irabazi zuen (5:25:56).
Distantzia laburreko proban Unai Oria izan zen azkarrena (2:25:21). Jose Javier Beregaña uhartearra 49.a sailkatu zen (3:41:32).
Laudioko mendi maratoia irabazi zuen uhartearrak. Joxeja Maiza hirugarrena izan zen