Aurreko ostegunean eratu zen Sakanako Mankomunitateko batzarra. Eta horrekin batera 29 batzarkideen artean lehendakaria aukeratu zen. Aurreko legegintzaldian erakundea zuzendu duen Aitor Karasatorre Mugurutza izan zen hautagai bakarra. Batzarrean izan ziren 24 kideetatik 17k Karasatorreren alde egin zuten, bostek txuri bozkatu zuten eta bik kontra.
Kargua hartu berritan Karasatorrek gogora ekarri zuen herriez aparte Sakanarako programa aurkeztu zutela udal hauteskundeetan. Mankomunitatean koalizioak garatu nahi dituen lan ildoak han jasoak daudela azaldu zuen. Eta batzarrean jakinarazi zien: “ekarpenak jasotzeko hurrengo asteetan hemen ordezkatuak zaudeten talde politiko ezberdinen ordezkariekin bildu nahiko genuke”. Ekarpen horiekin legegintzaldirako programa osatu eta Mank-eko batzarrari aurkeztu nahi diote. Karasatorrek “guztion artean Sakana berria egiten jarrai dezagun” dei egin zuen.
Mank-eko buruak, bestalde, ohartarazi zuen “gure lehentasunezko lan eremua instituzioak badira ere, herritarrak eta herritarrak antolatzen dituzten herri eragile sozial, sindikal, kultural eta abarrekin elkar lana bulkatzea da EH Bilduren izaeraren oinarria”. Herritarrak modu batera edo bestera antolatuak egotearen garrantzia nabarmendu zuen. Haiendako ateak zabalik dituztela eta partekatzen hasteko gonbita egin zien. Azkenik, ardura eman ziotenei eta EH Bildu babestu duten sakandarrei eskerrak eman zizkien.
Bitxikeriak
Bi pertsonek errepikatu dute Mank-eko presidente karguan: Karasatorrek eta Migel Angel Zubiria Galartzak. Etxarriarra jarraian egon da karguan; urdiaindarra, berriz, bi alditan.
Aurreko legegintzalditik errepikatzen duten batzarkideak lau dira: Karasatorre etxarriarra, Galartza bakaikuarra, Gabirondo iturmendiarra eta Rodriguez olaztiarra. Bestalde, zenbait legegintzaldiren ondoren, IU-EB-k ez du Mank-en ordezkaritzarik. Azkenik, ibarreko erakundeko batzarkide dira Sakanako 15 alkateetatik 11. Ez dira Arakil, Irañeta, Etxarri Aranatz eta Ziordikoak.
Mankomunitatearen osaketa
Sakanako Mankomunitatean ibarreko herri guztiak daude ordezkatuta. Ordezkaritza herriaren populazioaren araberakoa da. Beraz, Mank-en batzarkideen kopurua herrien populazioaren arabera aldatzen da. Legegintzaldi honetan aurreko legegintzaldiko 29 ordezkariak mantentzen dira.
Biztanle kopurua Ordezkariak
>1000 1
1.000-2.000 2
2.000-3.000 3
7.000-8.000 8
Batzarkideen generoa
29 batzarkideetatik 9 emakumezko dira eta 20 gizonezko. Aurreko legegintzaldian 7 eta 22 ziren.
29 batzarkideak
Udala Batzarkidea Alderdia
Arakil Ruben Goñi Urroz Independentea
Irurtzun Aitor Larraza Carrera EH Bildu
Eduardo Murugarren Frances EH Bildu
Arantxa Berasategi Zabalo Independentea
Irañeta Jose Manuel Lizarraga Mendinueta Independentea
Uharte Arakil Ainara Aiestaran Ijurko EH Bildu
Arruazu Peio Betelu Ganboa Independentea
Lakuntza Patxi Xabier Razkin Sagastibeltza EH Bildu
Josu Imaz Prim EH Bildu
Arbizu Karmele Marañon Chasco EH Bildu
Migel Angel Urkia Arretxe EH Bildu
Ergoiena Xabier Senar Veiga Independentea
Etxarri Aranatz Aitor Karasatorre Muguruza EH Bildu
Begoña Goikoetxea Zabaleta EH Bildu
Maria Saez De Albeniz Bregaña EH Bildu
Bakaiku Aner Galartza Barandiaran EH Bildu
Iturmendi Vitoriano Gabirondo Lanz EH Bildu
Urdiain David Oroz Alonso EH Bildu
Altsasu Javier Ollo Martinez Geroa Bai
Pedro Jimenez Elvira Geroa Bai
Manuel Bergera Ijurko Geroa Bai
Arantza Bengoetxea Intxausti EH Bildu
Javier Paz Miño EH Bildu
Juan Migel Perez Hurtado PSN
Virginia Alonso Aparicio Goazen Altsasu
Javier Lopez Patus UPN
Olatzagutia Gurutze Rodriguez Armendariz EH Bildu
Ibai Barandiaran Albiztur EH Bildu
Ziordia Olatz Irizar Martinez EH Bildu
Indarren ordezkaritza
EH Bildu 18
Independenteak 5
Geroa Bai 3
PSN 1
Goazen Altsasu 1
UPN 1
Orain arteko lehendakariak
1987-1991 Jose Manuel Etxeberria Solis.
1991-1995 Manuel Ijurra Etxarri.
1995-1999 Migel Angel Zubiria Galartza.
1999-2003 Jose Manuel Leitza Razkin.
2003-2007 Gorka Ovejero Ganboa.
2007-2011 Migel Angel Zubiria Galartza.
2011-2015 Aitor Karasatorre Mugurutza.
2015-2019 Aitor Karasatorre Mugurutza.