Nafarroako Enplegu Zerbitzuak jakinarazi duenez, 1.234 sakandar langabe zeuden iraila despeditzean. Urte hasieran baino 405 gutxiago dira eta aurreko urteko irailarekin alderatuta 314 gutxiago. Sakandarrak Nafarroako populazioaren %3,19 izanik ibarreko langabeak %2,99 dira.
Generoari erreparatuta gero eta alde handiagoa dago gizonezko eta emakumezkoen artean. Ia hamar langabeetatik sei emakumezkoak dira, 732 (%59,32 eta aurreko hilean baino1 gehiago). Gizonezko langabeak, berriz, 502 ziren (%40,68 eta 45 gutxiago). Adinari dagokionez, langabeen ia erdiak 45 urte edo gehiago ditu, 615ek (%49,84 eta 15 gutxiago). 25 eta 44 urte arteko langabetuak 492 dira (%39,87 eta 52 gutxiago). Azkenik, 25 urtez azpitik eta langabezian dauden 127 sakandar daude (%10,29 eta 23 gehiago).
Sektoreak
Langabetu sakandar gehienek, hamarretik seik, zerbitzuen arloan lan egin nahi lukete, 753 (%61,02 eta 18 gutxiago). Industrian lan egiteko prest zeuden 282 sakandar iraila akaberan (%22,85 eta 39 gutxiago). Eraikuntzarako lan eskatzaileak 85 ziren (%6,89 eta 1 gutxiago). Lehen sektorean aritzeko prest 28 pertsona zeuden (%2,27 eta 5 gehiago). Azkenik, aurretik lan egin ez duten eta lan bila ari direnak 85 ziren (%6,97 eta 9 gehiago).
Kontratuak
Udako oporrak despeditu ondoren sakandarrek sinatutako kontratuek gora egin dute, 257 gehiago, 838ra iritsi arte. Gizonezkoek 425 kontratu sinatu dituzte (%50,72 eta aurreko hilean baino 92 kontratu gehiago). Emakumezkoen sinadura 413 kontratuk zuten irailean (%49,28 eta 165 gehiago). Sinatutako kontratu gehienak, %95,11, aldi baterako ziren (797 eta aurreko hilean baino 252 gehiago). Irailean 25 pertsonen kontratuak mugagabe bihurtu ziren (%2,98 eta 1 gehiago). Hasieratik mugagabeko kontratuarekin lanean 16 sakandar hasi ziren (%1,91 eta 4 gehiago).
Zerbitzuen arloan sinatu ziren kontratu gehienak, 503 (%60,02 eta aurreko hilean baino 228 gehiago). Industrian aritzeko 325 kontratu sinatu ziren (%38,78 eta 46 gehiago). Eraikuntzara bideratutako 6 kontratu izenpetu ziren irailean Sakanan (%0,72 eta 17 gutxiago). Azkenik, lehen sektoreko 4 kontratu egin ziren (%0,48 eta irailean bezala). Nafarroan irailean sinatu ziren 36.598 kontratuetatik %2,29 sakandarrenak ziren.
Langabezia herrika
Herria Langabetuak Aldea
Arakil 35 2
Irurtzun 138 5
Irañeta 6 0
Uharte Arakil 39 -1
Arruazu 4 -2
Lakuntza 48 -1
Arbizu 53 -8
Ergoiena 8 0
Etxarri Aranatz 124 -14
Bakaiku 14 1
Iturmendi 23 1
Urdiain 21 -4
Altsasu 606 -30
Olatzagutia 100 9
Ziordia 15 -2
Sakana 1.234 -44
Irailaren akaberan 1.234 sakandar zeuden lan bila, aurreko hilean baino 44 gutxiago.