Mintzakide programako taldeak lastailean elkartzen hasi dira. Talde txikiak dira, astean behin ordu batez euskaraz hitz egitera elkartzen direnak. Kideetako batek euskaraz jario ederra du eta besteek ez hainbeste, hizkuntza ikasten ari baitira edo gutxi praktikatuta herdoildu egin zaielako. Ordu beteko saio horietako helburua giro normal batean, euskaltegitik kanpo, euskaraz hitz egitea da. Gehien dakiena ez da zuzenketak egiten aritzen, gainontzeko mintzakideen hitz jarioa handitzea baita bere helburua.
Izen ematea
Sakanan zortzi talde sortu dira dagoeneko baina oraindik ere izena eman daiteke. 600 482 024 telefonora hots eginez, sakana_mintza@aek.org e-postara idatziz edo Itsasi euskaltegira joz (Altsasuko Gartxia Ximenez kalea, 46).
Mintzakide taldeak
Herria Tokia Eguna Ordua
Irurtzun Iratxo elkartea Astelehena 19:00etatik 20:00etara
Pikuxar Ostirala 17:15etik 18:15era
Gurasolagun txangoa Hilean behin, igandez Goizean
Etxarri Xapatero taberna Ostirala 15:30etik 16:30era
Altsasu Koxka taberna Osteguna 17:00etatik 18:00etara
Kaixo taberna Ostirala 9:15etik 10:15era
Ziordia Liburutegia Asteartea 16:00etatik 17:00etara
Tabernan Asteazkena 18:30etik 19:30era
Hala aritzen dira Mintzakide taldeak. Zortzi daude eta, oraindik, izena eman daiteke.