Igandean jokatu zen, Alzorrizen, I. Izaga Trail mendi lasterketa aldi berean Nafarroako Kluben Arteko Txapelketa izan zena. Korrikalariek bi distantzia izan zituzten aukeran: 26,3 km-koa eta 11,2 km-koa. Kasualitatez, bi probatan korrikalari kopuru berbera klasifikatu zen: 149.
Proba luzean Julen Martinez de Estibariz gasteiztarra (2:33:09) eta Maider Fraile (3:09:45) gailendu ziren. Sakandarrak ongi aritu ziren. Lehen 10 postuetan hiru sakandar sailkatu ziren. Jose Luis Beraza uhartearra bosgarrena izan zen helmugan (2:39:14), probako lehen beteranoa. Evaristo Noveleta irurtzundarra zazpigarrena sailkatu zen (2:45:52) eta Beñat Katarain lakuntzarra bederatzigarrena (2:49:23). Mikel Rubio 21. postuan sailkatu zen, promesen mailan hirugarrena.
Bestalde, proba laburrean Alberto Azparren (52:44) eta Igone Campos (1:06:57) izan ziren txapeldunak. Francisco Codon izan zen lehen sakandarra, 5. postuan sailkatu eta gero.
Sakandarrak I. Izaga Trailean
26,3 km (1855 m D+)
1.Julen Martinez de Estibariz (Gasteiz): 2:33:09
5.Jose Luis Beraza (Uhar): 2:39:14
7.Evaristo Noveleta (Irur): 2:45:52
9.Beñat Katarain (Lak): 2:49:23
21.Mikel Rubio (Irur): 3:05:40
34.Joxeja Maiza (Etx): 3:09:52
53.Nourdine Jdi (Lak): 3:22:10
62.Ander Unzurrunzaga (Etx): 3:27:02
83.Gorka Arratibel (Etx): 3:39:42
133.Josetxo Albizu (Irur): 4:12:58
11,2 km (790 m D+)
1.Alberto Azparren (Aibar): 52:44
5.Francisco Codon (Irur): 55:59
13.David Mutiloa (Irur): 1:00:18
95.Fco. Jose Juango (Irur): 1:15:10
100.Miren Zubieta (Irur): 1:16:24
Mikel Rubio hirugarrena sailkatu zen promesen mailan