Horixe eskaintzen du Mintzakide programak, astean ordu batez. Izen ematea aurki despedituko da. 600 482 024 telefonora hots eginez edo sakana_mintza@aek.org e-posta bidez jarri daiteke harremanetan
Dagoeneko Sakanan 8 Mintzakide talde martxan daude. Astean behin elkartu eta ordu batez euskaraz hitz egitea, praktikatzea dute helburu. Talde txikitan euskaldun aritu bat eta hizkuntza ikasten ari diren edo hizketatzerakoan solte aritu nahi duten pertsonak elkartzen dira bai taberna edo kafetegian edo mendi buelta ematen.
Horretaz aparte, ikasturtean barna bestelako jarduerak antolatzen dituzte. Esaterako, Amama filma ikustera joan ziren haietako asko. Eta abenduan Patxi Zubizarretarekin antolatuta dagoen literatura-solasaldian ere izanen dira beste batzuk. Txangoak eta mintzakideen proposatutako bestelako ekintzak ere izanen dira ikasturte honetan.
Mintzakide taldeak
Herria Eguna Ordua Tokia
Irurtzun Astelehena 19:00etan Iratxo elkartea
Ostirala 17:15ean Pikuxar
Igandea* 10:00etan Plazan
Etxarri Ostirala 15:00etan Xapatero taberna
Altsasu Osteguna 17:00etan Koxka taberna
Ostirala 9:00etan Kaixo taberna
Ziordia Asteartea 16:00etan Liburutegia
Asteazkena 18:30ean Taberna
*Hilean behin edo, familiendako irteerak.
Mintzakideen progresioa
Ikasturtea Mintzakideak
2012/13 39
2013/14 52
2014/15 60
