Larraun Pilota Elkarteak, hainbat laguntzailerekin batera, Larraungo pilotari profesionalak eta profesional ohiak omenduko ditu larunbatean, 16:30ean abiatuko den jaialdian. Omenaldia jasoko dutenen artean Ismael Chafee eta ezkurdiatarrak daude.
Omenaldiaren inguruan antolatutako jaialdian, lau t´erdian Joanes Bakaikoa etxarriarrak Mattin Ezkurdia arbizuarra izanen du arerio. Omenaldiaren ondoren, Irurtzungo klubean aritzen den Xuban Armendarizek eta Lenitz Galarzak Ibai Iriarteren eta Julen Martijaren kontra jokatuko dute.