Maria Markotegi sormen lehiaketak deitu ditu, atzera ere, Sakanako Mankomunitateko Euskara Zerbitzuak. Hainbat mailetan banatuta dago lehiaketa. Lehen Hezkuntzako 1. eta 2. mailan ari diren haurrek Itziar Zubizarretak moldatutako Azenario soroa ipuin ingelesa ilustratu beharko dute. Lehen Hezkuntzako 3. eta 4. mailan ari direnak, berriz, idazle berak moldatutako Katua, oilarra eta igitaia ipuin herrikoia ilustratu beharko dute. Ilustrazioak A4 tamainako orrietan egin beharko dira, nahi den teknika erabiliz. Bi mailetan bina sari banatuko dira: pintura zorro osatu bat.
Hiru adierazpide
Lehen Hezkuntzako 5. mailatik aurrerako ikasketak egiten ari diren ikasleek euren sormena Maria Markotegi lehiaketan hiru adierazpideren bidez azaldu dezakete: narrazio laburra, poesia eta komikia. Bakarkako lanak onartuko dira soilik. Gaia librea izanen da. Lanen luzera honakoa izanen da: olerkietan 14 lerro gutxienez eta 40 gehienez; komikietan orrialde bat gutxienez eta 5 gehienez (A4 tamaina, teknika librea); eta narrazio laburretan LHko 5. eta 6. mailetako ikasleek orrialde bat gutxienez eta 3 gehienez, DBHko ikasleek 2 orrialde gutxienez eta 5 gehienez eta Batxilergoak eta Erdi Mailako Heziketa Zikloetako ikasleek 3 orrialde gutxienez eta 8 gehienez. Literatur lanak ordenagailuz idatzirik aurkeztuko beharko dituzte, Arial letra motarekin eta 12 puntuko hizki-tamainarekin.
Komiki, narrazio labur eta poesiako sariak
Kategoria Saria Zenbatekoa
LHko 5. eta 6. mailetako ikasleena 1. saia 50 €
LHko 5. eta 6. mailetako ikasleena 2. saria 40 €
DBHko 1. eta 2. mailetako ikasleena 1. saria 70 €
DBHko 1. eta 2. mailetako ikasleena 2. saria 60 €
DBHko 3. eta 4. mailetako ikasleena 1.saria 90 €
DBHko 3. eta 4. mailetako ikasleena 2. saria 80 €
Batxilergoak eta Erdi Mailako HZ 1.saria 110 €
Batxilergoak eta Erdi Mailako HZ 2. saria 100 €
Data
Lanak, plika sistema erabiliz, Sakanako Mankomunitatearen Lakuntzako egoitzan martxoaren 18ko 15:00etarako aurkeztu beharko dira.