Langabezia, antzeko

Nafarroako Enplegu Zerbitzuan ibarreko 1.288 pertsona zeuden lana bilatzeko izena emanda otsaila akaberan. Haietatik %59,16 emakumezkoak ziren (762, aurreko hilabetean baino 4 gutxiago) eta %40,84 gizonezkoak (526, berdin). Adinari erreparatuz gero, %48,91k 45 urte edo gehiago zituzten (630, 13 gutxiago). Bigarren adin maila, %41,23, 25 eta 44 urte arteko langabetuena da (531, 10 gehiago). Azkenik, langabeen %9,86 25 urte baino gutxiago ditu (127, 1 gutxiago). Sakanako langabezia Nafarroakoaren %2,86 da (populazioan %3,17 gara). 



Sektoreak

Sakanako langabeen %61,72 zerbitzuetako lan eskaera egin dute (795, 6 gehiago). Industrian %22,75ek lan egin nahiko lukete (293, 14 gutxiago). Eraikuntzan aritzeko lan eskaera egin dutenak %6,29 dira (81, 1 gutxiago). Lehen sektorearen aukera %2,25k egin dute (29, 2 gutxiago). Azkenik, aurretik enplegurik izan ez dutenak %6,99 dira (90, 7 gehiago). 



Kontratuak
Otsailean 547 kontratu sinatu ziren, ilbeltzean baino 52 gutxiago. Haietatik emakumezkoek %53,2 sinatu zituzten (291, 2 gehiago) eta gizonezkoek %46,8 (256, 54 gutxiago). Sinatutako kontratuetakin %91,04 hasieratik aldi baterakoak ziren (498, 54 gutxiago). Otsailean mugagabe bihurtu ziren kontratuak %5,48 dira (30, 10 gehiago). Azkenik, hasieratik mugagabe ziren kontratuak daude, %3,47 (19, 8 gutxiago).

Kontratuen %54,84 zerbitzuen sektorean lan egiteko izan ziren (300, 3 gutxiago). Industria arloan kontratuen %41,5 sinatu ziren (227, 49 gutxiago). Eraikuntzako kontratuak otsailean %3,29 izan ziren (18, 1 gutxiago). Lehen sektorean, azkenik, kontratuen %0,37 sinatu ziren (2, 1 gehiago). Aurrkeo hilabetean Nafarroan 26.778 kontratu sinatu ziren, haietatik sakandarrenak %2,12 ziren.