Sakanako Mankomunitateko Euskara Zerbitzuak euskara hutsezko udalekuen eskaintzaren berri eman du. Lehen Hezkuntza eta Derrigorrezko Bigarren Mailako ikasleei zuzendutako eskaintza da. Mank-ek euskara hutsez dagoen udalekuen eskaintzaren berri esku-orritan jaso du eta horiek ikasleei banatu dizkiete. Euskara Zerbitzutik jakinarazi dutenez, udan euskarazko udaleku batera joaten denak diru-laguntza eskatzeko aukera izanen du. Horretarako epea 2016ko garagarrilaren 15etik irailaren 30era izanen da. Mank-ek laguntzetarako 5.000 euroko diru-saila bideratuko du.