Aurrera doa Agoizko Elkar Pelota Pilota Txapelketa. Asteburuan jokatutako jardunaldian sakandarrek emaitza bikainak lortu dituzte. Aurre benjamin mailan Eskuderok (Lakuntza) 16 eta 12 hartu zuen menpean Puga (Zangoza) eta haurren mailan Berkoetxeak (Irurtzun) 18 eta 8 irabazi zion Carbonelli (Tutera).
Bestalde, Bortzirietan jokatzen ari den lau t´erdiko Josetxo Ezkurra Memorialean, benjaminetan Oier Ibarluzeak (Urretxu) 18 eta 1 irabazi zion Unai Amadori (Aldabide). Kimuetan Markel Agirrezabalaga (Tolosa) 18 eta 0 gailendu zitzaion Jon Erdoziari (Aldabide) eta Migel A. Huertari (Soria) 10 eta 18 irabazi zion Iraitz Imazi (Aldabide).
Haurren mailan Mikel Imazek (Arbizu) 18 eta 16 hartu zuen menpean Ander Ibarluzea (Urretxu) eta Eñaut Goikoetxeak (Arbizu) 2 eta 18 galdu zuen Aingeru de la Fuenteren kontra (Esteribar). Bukatzeko, kadeteetan Unanuek (Ilunpe) 18 eta 12 irabazi zion Senarri (Gure Pilota).
Bi txapelketetan murgilduta daude gure pilotariak