Larunbataz geroztik Jesus Santos da Nafarroako UGTko idazkari nagusi berria, Javier Lekunberriri lekukoa hartuta. Sindikatuak 11. Lurralde Batzarra egin zuen eta hartan Santosek %87,65eko babesa eskuratu zuen. Santosek “aurrera egiteko borroka sindikalarekin segitzeko” konpromisoa hartu zuen. Eta ziurtatu zuen UGT “langileriak bere interesak defendatzeko duen tresna onena” dela. Santosekin batera zuzendaritzan daude: Amaia Villanueva Fernandez, antolakuntza idazkaria; Marisol Vicente Ioldi, politika sindikaleko idazkaria; Augusto Paredes Anton, administrazio idazkaria eta Borja Paredes Alonso, lurralde idazkaria.