Burunda mendebaldeko Oinarrizko Gizarte Zerbitzuen Mankomunitateak jakinarazi du familia langileen lan poltsa sortu nahi duela. Lehiaketa-oposizio bidez aldi baterako langilea kontratatuko da eta, aldi berean, 5 urteko indarraldia izanen duen familia langileen lan poltsa osatuko da. Honako ikasketak dituztenak aurkeztu daitezke: zaintzetako erizaintza laguntzaile teknikaria, dependentzia egoeran dauden pertsonen arretan teknikaria, arreta-soziosanitarioan teknikaria, klinika laguntzaile teknikaria edo erizaintzako laguntzaile teknikaria. Eskabideak eta dagokion dokumentazioa mankomunitateak Altsasuko Labadero eraikinean duen egoitzan aurkeztu behar da asteazkeneko 14:00ak arte.