Ibarreko langile, gazte eta emakume talde batek Sakanan lan eta bizitza duina izateko prekarietatearekin bukatzea ezinbesteko jo du. Arlo ezberdinetako sakandar horiek prekarietatearekin bukatzeko, besteak beste, eskatu dituzte: enplegu duina, lan munduan sartzeko aukera berdintasuna, euskara lan hizkuntza izatea, behartuta ibarretik kanpo lanera joan behar ez izatea. Garagarrilaren 3an, 19:00etan, Altsasuko enplegu bulegotik abiatuta eginen den prekarietatearen kontrako giza katean parte hartzera deitu dute.