Altsasu izanen da aurten ospakizuna hartuko duen herria. Egitaraua Iortia kultur gune parean eginen diren herri kirol saioekin hasiko da, 11:00etan. 11:45ean Etorkizuna dantza taldearen ikuskizuna izanen da. Ondoren ospakizuna ikastolara lekualdatuko da. 13:30ean tirolina, trontza eta ingudeen erakustaldia izanen dira. Mahaira, bazkaltzera, 14:30ean eseriko dira. Bazkalburuan ikastolan 25 urte daramaten familiei esker ona azalduko zaie. Kantaldiak, ginkanak, dantzek eta gurasoendako jokoek osatuko dute arratsaldeko egitaraua. 19:00etan guztia jaso eta garbitzeko txanda izanen da eta horrela despedituko du Iñigo Aritzak bere festa.