Igandean jokatu zen La Jarana peñak antolatutako Entzierroaren lasterketa. Santo Domingotik hasita zezen plazaraino dauden 799 metroei aurre egin behar izan zioten korrikalariek. Federatuen mailan Ayurton Azkue (2:07) eta Helena Loyo (2:28) izan ziren txapeldunak. Ruben Mendieta 7.a sailkatu zen (2:13) eta Fermin Azkargorta 13.a (2:19). Eta maila herrikoian Daniel Martinez (2:18) eta Andrea Marturet (2:51) gailendu ziren. Asier Estarriaga seigarrena sailkatu zen (2:34).
Bestalde, Pasai Antxon jokatutako San Fermin jaietako krosa Aitor Salvadorrek irabazi zuen (23:19). Juantxo Azurmendi 38.a sailkatu zen (28:27).
Zumaia Flysch Traila
Igandean 8. Zumaia Flysch Trail mendi lasterketa jokatu zen Zumaian. Korrikalariek bi ibilbide zituzten, 42, 2 km-koa eta 21 km-koa. 21 km-ko proba Mikel Dieguez ondarrutarrak irabazi zuen (1:38:28). Juan Pedro Ariz bakaikuarra 146.a sailkatu zen (2:20:33).
Maila herrikoian Asier Estarriaga seigarrena sailkatu zen