Altsasuko azokan jaso dituzte, baina Irurtzun, Lakuntza, Etxarri Aranatz edo Olatzagutiko azoketan izanen dira hurrengo asteetan Nafarroako Pentsionistak Martxan taldeko kideak. Pentsio duinen aldeko Herri Ekimen Legegilea sustatu dute eta horretarako beharrezkoak dituzten sinaduren bilketari ekin diote.
Makina bat nafarren babesarekin Nafarroako Parlamentuan lege proposamena aurkeztuko du Pentsionistak Martxanek. Gutxieneko pentsioak 1.080 eurokoak izatea bermatzen duen lege propio bat eskatuko du. Izan ere, Nafarroan dauden 130.033 pentsidunek bataz beste 1.020 euroko pentsioa jasotzen badute ere, haietatik 61.153k 600 eurora iristen ez diren pentsioak jasotzen dituzte. Azken horiek, gehienbat, emakumezko eta funtzio askotariko pentsiodunak dira. “Europak gomendatzen dituen pentsioetatik oso urrun”. Taldetik adierazi dutenez, kontsumo prezioen indizea kontutan izanik, 2011 eta 2019 bitartean pentsio publikoen eroste ahalmenaren galeraren “aurreikuspen errealistenak” %28ra arteko jaitsiera aurreikusten dute.
| Datuak* | |||
| Pentsioak € | Pentsiodunen % | Hego Euskal Herria | Nafarroa |
| 150-350 | 6,4 | 402400 | 8279 |
| 601-650 | 41 | 271923 | 53294 |
| 651-1.000 | 21,5 | 141901 | 27811 |
| 1.001-1.550 | 16,1 | 106246 | 20826 |
| 1.501-2000 | 8,8 | 58080 | 11383 |
| 2.001 edo + | 6 | 39600 | 7761 |
| *2015eko iraileko datuak | |||