47 pertsona gehiagok eman zuten izena Altsasuko enplegu bulegoan joan den hilabetean. Haren bidez lan bila zeuden sakandarrak 977 ziren agorril akaberan. Duela urte batekin alderatuta langabeziak %13,62 egin du behera. Hala ere, Sakanako datua osatzeko Iruñeko zabalguneko irurtzundarren eta arakildarren datua falta da. Kontratuei dagokienez, Altsasuko bulegoaren bidez 488 kontratu sinatu ziren aurreko hilabetean; haietatik 19 besterik ez ziren behin betikoak izan.
Nafarroari dagokionez, langabeziak %1,79ko jaitsiera izan du, 707 pertsona gutxiago zeuden lan bila. Nafar Lansaren, Nafarroako Enplegu Zerbitzuan, hilabete akaberan 38.899 pertsona zeuden izena emanda. Joan den urtean garai berean baino %6,87 gutxiago. 2009ko lastailetik zifrarik txikiena da aurtengoa. Langabetu nafarretatik 22.510 emakumezkoak dira (%57,9 , hilabete batean 190 edo %0,84 gutxiago) eta gainontzeko 16.389 gizonezkoak (%42,1, 517 edo %3,06 gutxiago).
Altsasuko enplegu bulegoan langabezia %5,05 hazi zen agorrilean
