San Migel egunarekin jende ugari elkartu zen Aralarko monasterioan atzo. Fededunek iganderako beste hitzordu bat dute mendi gaineko elizan: Aralarko Deun Mikel Goiaingeruaren Kofradiako kide, Anaitasun Elkarteko kide eta ongile hildakoen aldeko hileta meza. Etzi izanen da, 12:30ean. Gaudeamus gregoriar abesbatzak elizkizunean abestuko du. Gainera, mezaren aurretik, 12:00etan, abesbatza berak kontzertua eskainiko du. Koral bera izanen da 17:00etako bezpera abestuak eskainiko dituena.
Argazkiak: Nerea Mazkiaran.
