Nafarroako Enplegu Zerbitzuak hainbat ikastaro antolatu ditu enplegu formazioari begira, langabezian dauden pertsonendako bereziki. Sakanan bi ikastaro eskainiko dira, “Competencias Clave” azterketa delakorako azterketak prestatzeari begira: gaztelania N2 ikastaroa (otsailaren 14tik ekainaren 8ra, astearte eta ostegunetan, 12:10etik 14:10era, Altsasun) eta matematika N2 ikastaroa (osailaren 13tik ekainaren 9ra, 11:00etatik 13:00etara, astelehen eta ostiraletan, Altsasun).
Nazioarteko komertzioari buruzkoa
Eta, bestetik, komertzio eta marketing ikastaro bat eskainiko da, 390 ordukoa, oraindik zehaztu gabeko ordutegian. Ikastaroaren izena ondokoa da: Nazioarteko komertzioaren kudeaketa administratiboa eta finantzieroa: nazioarteko finantzaketa, nazioarteko ordainketa erak eta ingeles profesionala. Ikastaroa Fundacion Nueva Gestionek emango du, Arbizuko Utzuganen.