Sakanak hiru urte darama populazioa galtzen: 2014an 305 biztanle, 2015ean 197 eta 2016an 52. %2,66ko biztanleria jaitsiera hiru urtetan. Kopuruek nabarmen adierazten dutenez, jaitsiera erritmoa urte batetik bestera nabarmen jaitsi da. 2016ko aurreneko egunean Sakanan 20.255 pertsona bizi ginen. Haietatik 10.415 gizonezkoak ziren, aurreko urteko egun berean baino 7 gutxiago, eta 9.840 emakumezkoak ziren, 45 gutxiago. Ibarreko biztanleen %51,42 gizonezkoak dira eta %48,58 emakumezkoak. Ehuneko horietan apenas dago alderik urte batetik bestera, 0,1 puntu aurrenekoen alde. Udalerri guztietan emakumezkoak baino gizonezko gehiago bizi dira.
Herrika
Ibarreko zazpi herritan igo da populazioa eta gainontzeko zortzietan jaitsi. Biztanleria handitu den udalerriak honakoak dira: Irañeta (4 biztanle gehiago , %2,33 gehiago), Lakuntza, (6, %0,48), Arbizu (6, %0,54), Ergoiena (2, %0,5), Bakaiku (10, %2,95), Iturmendi (10, %2,58) eta Olatzagutia (2, %0,13). Gorako joera duten herrien artean soilik Irañetak eta Bakaikuk errepikatzen dute. Herritarrak galdu dituzten udalerriak gainontzekoak dira: Arakil (3 biztanle gutxiago, %0,31 gutxiago), Irurtzun (-7, %0,32), Uharte Arakil (-6, %0,71), Arruazu (-2, %1,85), Etxarri Aranatz (10, %0,41), Urdiain (-10, %1,47), Altsasu (-19, %0,25) eta Ziordia (-35, %9). Ziordiaren jaitsiera handi hori komentuaren hustearekin izan dezake zerikusia. Herritarrak galtzen dituzten herrien artean errepikatzen dute Irurtzunek, Arruazuk, Etxarri Aranatzek eta Altsasuk.
Joera luzeagoei erreparatuta, aurtengo datuak 2011ko datuekin alderatuta, soilik lau herrik irabazi dute biztanleria: Irañetak, Lakuntzak, Arbizuk eta Bakaikuk. Atzerago eginez gero eta 2016ko datuak 2006koekin konparatzen baditugu hamar herritan hazi da biztanleria: Arakil, Irañeta, Uharte Arakil, Lakuntza, Arbizu, Etxarri Aranatz, Bakaiku, Iturmendi, Urdiain eta Ziordia. Sakanako populazio errekorra 2013an lortu genuen, 20.809 biztanlerekin.
171 nafar gehiago
Lau urteko beherako joera izan ondoren, aurtengo ilbeltzaren 1ean aurreko urteko egun berean baino pertsona gehiago bizi ziren Nafarroan: 171. Guztira 640.647. Haietatik emakumezkoak 322.807 ziren (%50,39), aurreko urtean baino 216 gehiago eta gizonezkoak 317.840 (%49,61), 2015ean baino 45 gutxiago. Sakandarrak Nafarroako populazioaren %3,16 gara.
Herria /Urtea | 2016 | 2015 | 2016-2015 aldea | 2011 |
2016-2011 |
2006 | 2016-2006 aldea |
||||||
Guztira | Gizonezkoak | Emakumezkoak | Guztira | Gizonezkoak | Emakumezkoak | Guztira | Gizonezkoak | Emakumezkoak | Guztira | Guztira | Guztira | Guztira | |
Altsasu | 7.471 | 3.773 | 3.698 | 7.490 | 3.785 | 3.705 | -19 | -12 | -7 | 7.655 | -184 | 7.501 | -30 |
Arakil | 952 | 490 | 462 | 955 | 494 | 461 | -3 | -4 | 1 | 956 | -4 | 882 | 70 |
Arbizu | 1.117 | 569 | 548 | 1.111 | 571 | 540 | 6 | -2 | 8 | 1.082 | 35 | 1.006 | 111 |
Arruazu | 106 | 57 | 49 | 108 | 56 | 52 | -2 | 1 | -3 | 112 | -6 | 107 | -1 |
Bakaiku | 349 | 183 | 166 | 339 | 178 | 161 | 10 | 5 | 5 | 340 | 9 | 337 | 12 |
Ergoiena | 399 | 216 | 183 | 397 | 215 | 182 | 2 | 1 | 1 | 422 | -23 | 437 | -38 |
Etxarri A. | 2.456 | 1.277 | 1.179 | 2.466 | 1.280 | 1.186 | -10 | -3 | -7 | 2.485 | -29 | 2.434 | 22 |
Irañeta | 176 | 97 | 79 | 172 | 96 | 76 | 4 | 1 | 3 | 160 | 16 | 157 | 19 |
Irurtzun | 2.187 | 1.125 | 1.062 | 2.194 | 1.133 | 1.061 | -7 | -8 | 1 | 2.279 | -92 | 2.192 | -5 |
Iturmendi | 398 | 206 | 192 | 388 | 200 | 188 | 10 | 6 | 4 | 403 | -5 | 379 | 19 |
Lakuntza | 1.263 | 658 | 605 | 1.257 | 651 | 606 | 6 | 7 | -1 | 1.237 | 26 | 1.103 | 160 |
Olatzagutia | 1.522 | 786 | 736 | 1.520 | 776 | 744 | 2 | 10 | -8 | 1.696 | -174 | 1.762 | -240 |
Uharte A. | 834 | 438 | 396 | 840 | 443 | 397 | -6 | -5 | -1 | 836 | -2 | 775 | 59 |
Urdiain | 671 | 356 | 315 | 681 | 354 | 327 | -10 | 2 | -12 | 714 | -43 | 605 | 66 |
Ziordia | 354 | 184 | 170 | 389 | 190 | 199 | -35 | -6 | -29 | 399 | -45 | 351 | 3 |
Sakana | 20.255 | 10.415 | 9.840 | 20.307 | 10.422 | 9.885 | -52 | -7 | -45 | 20.776 | -521 | 20.028 | 227 |