Sakanako Mankomunitateak joan den urtean 2016ko aurrekontua egiterakoan aurreikusita zituen hainbat inbertsioetarako diru-sailik ez zuen jarri. Lan horiek egiteko Nafarroako Gobernuaren diru-laguntza behar du eta 2015ean diru hori jasoko zen zehaztu gabe zegoenez, ez zen aurrekontuetan jaso. Horregatik, ibarreko erakundeak lastailaren 26an egindako bilkuran hainbat aurrekontu moldaketa egin zituen. Haietako bi diru handikoak. Ordurako Mank-ek bazekien inbertsio horiendako foru administrazioaren laguntza izanen zuela.
Izan ere, Nafarroako Gobernuak hilaren 13an onartu duen 2017-2019 aldirako toki inbertsioen plana arautzen duen legeak Sakanan inbertsioak aurreikusten ditu. Legean jasotakoaren arabera, ibarrera bideratutakoaren %79,5 Sakanako Mankomunitatearen lau proiekturendako izanen da, Hondakin Bilketa Zerbitzuko eta Ur Zerbitzuko bina proiekturendako.
| Erakundea | Erakundea | Diru-laguntza | Noiz |
| Mank | Iribas-Irurtzun hoditeria | 488000 | 2017 |
| Mank | Urdalur sarea Ihabar-Irurtzun | 400000 | 2019 |
| Mank | Kopostatze planta, 2. fasea | 538450 | 2017 |
| Mank | Garbiguneak | 56082 | 2017 |
| Irañetako Udala | Ur biltegia | 188000 | 2019 |
| Enpresa bat | Ekai-Uharte zuntz optikoa | 203400 | 2019 |
| Guztira: | 1865932 |