Igandean jokatu zen Irati Trail 23 Km Inter Irabia lasterketa, aldi berean Nafarroako Mendi Lasterketen Txapelketa zena. 177 korrikalarik osatu zuten proba, Iratiko paraje zoragarrietan, eta Ion Sola iruindarra (2:02:19) eta Laura Sola uztarroztarra (2:23:18) gailendu ziren. Sakandarren artean Jose Luis Beraza izan zen azkarrena, helmugan bosgarrena sartu eta gero (2:11:47). Uharte Arakilgoa probako lehen beteranoa izan zen eta Nafarroako Mendi Lasterketen Txapelketako lehen beteranoaren saria jaso zuen ere.
Bestalde, igandean Zumarraga-Urretxun jokatutako III. Uz Trail mendi lasterketako 11 km-ko proba Ibai Etxeberriak irabazi zuen (49:37). Ainhoa Markinez olaztiarra 67.a sailkatu zen (1:26:19).
Sakandarrak Irati Trail 23 km Inter Irabian
1.Ion Sola: 2:02:19
5.Jose Luis Beraza: 2:11:47 (Uhar)
7.Aritz Munarriz (Etx): 2:14:54
8.Joxeja Maiza (Etx): 2:15:48
32.Iñigo Etxarte (Irur): 2:33:17
34.Iñigo Rekalde (Irur): 2:36:18
66.Iñaki Morillas (Irur): 2:47:49
120.Amaia Razkin (Uhar): 3:10:40
Uharte Arakilgoa lehen beteranoa izan zen. Aritz Munarriz zazpigarrena sailkatu zen eta Joxeja Maiza zortzigarrena