Atzo despeditu zen juniorren mailako Gipuzkoako Itzulia. Probak lau jardunaldi izan ditu guztira, aurretikoa eta 3 etapa. Igandean jokatutako bigarren etapa Sakanara etorri zen, Aralar klubeko Intersport Irabia taldeko Josu Etxeberria gailendu baitzen. Atzo hirugarren eta azken etapa jokatu zen Zarautzen eta Limousin Kartoiak-Oriako taldeko Unai Iribar gailendu zen esprintean.
Sailkapen orokorrari dagokienez, Elproex-Iturribero taldeko Oier Lazkano izan da Gipuzkoako Itzuliko txapeldun handia. Gure txirrindulariek lan bikaina egin dute. Josu Etxeberria laugarrena sailkatu da sailkapen orokorrean, podiumera igotzear, 2:50era. Burundako Quesos Burundako Ailetz Lasa bederatzigarrena sailkatu da, 4:22ra eta bere taldekide Iñigo Fernandez 12.a, 5:12ra. Intersport Irabiako Beñat Etxezarreta 40. postuan dago, 13:39ra, eta Quesos Albenizko Juan Riaño 54.a, 21:57ra.
Baina gure mutilak ez ziren esku hutsik etorri. Josu Etxeberriak lehen urteko juniorren txapelketa irabazi zuen eta Ailetz Lasa hirugarrena sailkatu zen.
Sailkapen orokorrean laugarrena sailkatu da, baina lehen urteko juniorren sailkapenean lehena izan da Iturmendikoa