guaixe.eus

Mila langabetutik behera zortzi urtetan aurreneko aldiz

  Ekonomia  Sakana

Garagartzaroa lana bilatzeko izena emanda zeuden 959 sakandarrekin despeditu genuen. 2015ean langabezia % 23,61 jaitsi bazen eta 2016an % 6,7, aurtengo aurreneko sei hilabeteetan % 17,89ko jaitsiera izan da. Hamar langabetuetatik sei emakumezkoak dira. 45 urtetik gora dituzte lan bila daudenen % 51,09

Mila langabetutik behera zortzi urtetan aurreneko aldiz
Kisusgileak teilatuan lanean. | Ikusi handiago | Argazki originala

2009ko martxoan Nafar-Lansarek 983 langabe zenbatu zituen Sakanan. Ordurako finantza-krisiak eragindako enplegu suntsiketak erritmo bizia zuen ibarrean, eta hala segituko zuen hurrengo urteetan, 1.000 eta 2.000 langabetuko markak gaindituz. Ekonomia jarduera pixkanaka hobera egiten ari den adierazlea da garagartzaroa 959 langaberekin ixtea. Nafarroako populazioaren % 3,16 gara sakandarrak eta langabeziari dagokionez, % 2,67.

Aurtengo lehen seihilabetekoan langabezia %17,89 jaitsi da; 209 sakandar atera dira zerrendatik. Zenbat eta langabetu gutxiago izan, orduan eta nabariagoa da emakumezkoek lana opatzeko duten zailtasuna. Urte erdian hiru puntu egin du gora haien langabeziak eta, dagoeneko, lana bilatzen ari diren hamar sakandarretatik sei emakumezkoak dira. Adinari dagokionez, erdiak baino pixka bat gehiagok 45 urte baino gehiago dituzte. 25 eta 44 urte artean dituzte lan bila daudenen % 38,06 eta gainontzeko % 10,84k 25 urte baino gutxiago dituzte.

Sektoreka lan eskaera gehienak, % 62,57, zerbitzuen arloan lanpostua bilatzeko da. Industrian lan egin nahiko lukete lan eskatzaileen % 22,63k. Kopurutan urrunago daude eraikuntzako % 4,17ko eta lehen sektoreko % 1,88ko eskaerak. Aurretik lan egin ez eta estreinako lanpostua lortu nahi dutenak % 8,76 da.

Kontratazioa
Urte erdian Sakanan 4.109 kontratu sinatu dira; % 51,86k (2.131) gizonezkoen sinadura dute eta gainontzeko % 48,14k (1.978) emakumezkoena. Azken horien kontratuak laburragoak izanen dira, haien langabezia urte erdian % 13,38 jaitsi delako, gizonezkoenak hamar puntutan baino gehiagoan behera egin duenean. Bestalde, sinatutako kontratuen % 93,21 hasieratik aldi baterakoa zen (3.830). Aurtengo lehen sei hilabetekoan mugagabe bihurtu diren kontratuak % 3,77 izan dira (155) eta hasieratik mugagabe ziren % 3,02 kontratu sinatu dira (124).

Sektoreka ia kontratu guztiak industria eta zerbitzuen sektoreetan izan dira. Industriak kontratuen % 48,28 (1.984) egin ditu eta % 47,65 (1.958) zerbitzuek. Eraikuntzan aritzeko kontratuak % 3,21 izan dira lehen seihilekoan (132). Azkenik, abeltzaintzan aritzeko kontratazioak % 0,85 izan dira (35). Sakanan egindako kontratazio guztiak Nafarroako  % 2,31 dira.

Altsasuarrek kontratuen % 43,56 sinatu badituzte ere, herrian langabeziak ez du tamaina horretako jaitsierarik izan. Kontratuen % 12,41ek eta % 12, 27k, hurrenez hurren, lakuntzar eta irurtzundarren sinadura du. Bi herrietan langabeziaren beherakada handiagoa izan da. Kontratu kopuruari begira, haien atzetik Etxarri Aranaz (% 7,03), Arbizu (% 6,62), Olatzagutia (% 5,18), Uharte Arakil (% 4,67) eta Urdiain (% 4,45) daude.

Langabeziaren bilakaera 2017ko aurreneko seihilabetekoan  
Udalerriak Guztira Guztira Sakanako langabeziaren % Aldea urte hasierarekin
  2017-01-01 2017-06-30 2017-06-30 Kopurua %
Altsasu 543 482 50,26 -61 -11,23
Arakil 43 35 3,65 -8 -18,60
Arbizu 51 35 3,65 -16 -31,37
Arruazu 4 2 0,21 -2 -50,00
Bakaiku 15 7 0,73 -8 -53,33
Ergoiena 14 5 0,52 -9 -64,29
Etxarri Aranatz 127 90 9,38 -37 -29,13
Irañeta 5 5 0,52 0 0,00
Irurtzun 152 121 12,62 -31 -20,39
Iturmendi 16 18 1,88 2 12,50
Lakuntza 53 43 4,48 -10 -18,87
Olatzagutia 83 73 7,61 -10 -12,05
Uharte Arakil 33 20 2,09 -13 -39,39
Urdiain 21 13 1,36 -8 -38,10
Ziordia 8 10 1,04 2 25,00
Sakana 1.168 959 100,00 -209 -17,89
Nafarroa 40.045 35.938 3.747,45 -4.107 -10,26
           
100          
           
Generoa          
Gizonezkoak 503 383 39,94 -120 -23,86
Emakumezkoak 665 576 60,06 -89 -13,38
           
           
Adina          
<25 124 104 10,84 -20 -16,13
25-44 452 365 38,06 -87 -19,25
>=45 592 490 51,09 -102 -17,23
           
Sektoreak          
Lehen sektorea 22 18 1,88 -4 -18,18
Industria 297 217 22,63 -80 -26,94
Eraikuntza 63 40 4,17 -23 -36,51
Zerbitzuak 708 600 62,57 -108 -15,25
Aurretik lanik gabe 78 84 8,76 6 7,69

 

Langabeziaren garapena  
Data Guztira Gizonezkoak Emakumezkoak
2009 / 06 1.230 619 611
2009 / 12 1.342 630 712
2010 / 06 1.438 666 772
2010 / 12 1.500 672 828
2011 / 06 1.505 698 807
2011 / 12 1.603 764 839
2012 / 06 1.661 794 867
2012 / 12 1.864 924 940
2013 / 06 1.842 941 901
2013 / 12 1.770 898 872
2014 / 06 1.545 701 844
2014 / 12 1.639 801 838
2015 / 06 1.281 545 736
2015 / 12 1.252 551 701
2016 / 06 1.097 430 667
2016 / 12 1.168 503 665
2017 / 06 959 383 576

 

 

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa

Laguntzaileak