Errigora elikadura burujabetza, euskara eta Nafarroa ardatz dituen ekimena da. Nafarroako hegoaldeko baratzeetako produktuak zabalduz eta salduz herrialdeko hegoaldeko euskalgintzarendako dirua lortzen du Euskarari puzka kanpainarekin. 25 ekoizleren produktuak jasotzen dira salgai dauden kutxetan. Asteburuan Ablitasen egindako auzolan handian Errigorako kutxak, txuriak eta beltzak, produktuz bete ziren. Eta, dagoeneko, banatzeko prest daude. Baina aurretik eskaerak egin behar dira eta hori asteartera arte egin daiteke.
Ekimenaren berri herriz-herri emateko Errigora karpa batetik bestera dabil eta, esaterako, Andra Mari ikastolara astelehenean iritsi zen. Eguraldiak ez zuen karpan uzten jarri, baina bai informazio mahaiak. Hura “mobilizazio eta herrilana indartu dituen zubigintza ariketa; karpa aitzakiatzat hartu eta eskuz esku elkarbanatzen ari garen testigua”.
Udaberrian
Errigorak Eskutik Eskura kanpainaren bidez, Nafarroako hegoaldeko ekoizleen eskuetatik kontsumitzaileenera zuzenean oliba olioa eta kontserba ontzi salduko ditu.
Errigorako kutxak eskatzeko tokiak | |
Herria | Tokia |
Irurtzun | Pikuxar euskal txokoa |
Iratxo elkartea | |
Ihabar | Gure Kaiola elkartea |
Irañeta | Txapel Azpi elkartea |
Uharte Arakil | Mendikoa kafetegia |
Lakuntza | Tania arraindegia |
Bitori janari-denda | |
Aliprox | |
Etxarri Aranatz | Portuko okindegia |
Kaxeta liburu-denda | |
Bakaiku | Bakarrekoetxea elkartea |
Iturmendi | Aitzkozar elkartea |
Urdiain | Mareo taberna |
Altsasu | Portuko okindegia |
Biltoki taberna | |
Olatzagutia | Barandi taberna |
Ziordia | Etxaleku taberna |
Sakana | Ikastolak |
Sakana | AEK |
Sakana | www.errigora.eus |