Errotuluak euskaraz jartzen dituzten establezimendu komertzialei, ostalaritzakoei eta elkarteei zuzendutako deialdia egin du Sakanako Mankomunitateko Euskara Zerbitzuak. Deialdia azaroaren 30era arte dago zabalik. Eta 1.500 euroko diru-poltsa da.
Euskara hutsean idatzita dagoen errotulua jartzen duenari gastuaren % 50 ordainduko zaio. Gehienez 500 euro emanen zaizkio. Euskaraz eta erdaraz idatzita dagoen errotulua jartzen duenari % 25 ordainduko zaio. Gehienez ere 250 euro. Beti ere, elebitasun pizgarria erabiltzen bada, hau da, euskarazkoak lehentasuna badu.
Eskabideak Mank-en Lakuntzako egoitzan aurkeztu beharko dira. Informazio gehiagorako: 948 464 840 edo euskara1@sakana-mank.eus.
Errotuluendako Mank-en diru-laguntza
