Beste urte batez antzerki zaletasuna duten arakildarrek hura ibarreko tailerrean garatzeko aukera izanen dute. Tailerra Jon Barbarin Lisarri aktoreak zuzentzen du. Asteartero, 20:00etan, Ihabarko kontzeju-etxean elkartzen da taldea eta hala eginen dute hurrengo lau hilabeteetan. Arakilgo Udaleko Kultura Zerbitzua da tailerra antolatu duena eta jakinarazi duenez, interesa duen jendeak arakilkultura@gmail.com posta elektronikoko helbidean eman dezake izena; Arakilen erroldatuta daudenak 70 euro pagatu behar dute eta ez daudenak 90.