Askapena erakunde internazionalistak jakinarazi du aurtengo brigadetan izena emateko epea zabalik dagoela. Hala egin nahi duenak brigadak@askapena.eus e-postara idatzi dezake mezua. Aurten Hego Amerika, Ekialde Hurbila eta Europa izanen dira brigada internazionalisten helmuga.
Askapenaren azterketaren ondoren erabaki dituzte helmuga horiek; "munduko hegemonia hiru eremu geografiko nagusi horietan jokatzen ari delako, eta herri langileen etorkizuna dago jokoan, borroka zinez interesgarriak egonik".
Brigadetan parte hartzea "joan-etorriko elkartasuna indartzea" dela gaztigatu dute Askapenatik. Eta zehaztu dute: "Askapenaren brigadetan ez goaz turismo politikoa egitera, ezta karitatez lagundu edo irakaspen iraultzailerik ematera. Herrion borroken elkar-ezagutza bultzatzeko brigadak dira gureak, bueltatzerakoan, Euskal Herrian internazionalismoa eta gure askapen borrokak elikatu ditzaten.
Hego Amerikara, Ekialde Hurbilera eta Europara bidaliko ditu internazionalistak erakundeak