Kontzejuek biztanleriari eusten diote

Sakanako 16 kontzejuetako (Aizkorbe barne, ez bada ere) populazioak 2016an % 0,65 hazi bazen, hurrengo urtean behera egin zuen eta ibarreko herrietan zazpi pertsona gutxiago bizi ziren 2017ko ilbeltzaren 1ean. Guztira 1.383 sakandar. Jaitsiera % 0,5ekoa da. Sei kontzejutan igo da populazioa: Unanu (+6), Ihabar (+5), Izurdiaga (+4), Dorrao (+2), Zuhatzu eta Satrustegi (+1). Biztanleria bera mantendu dute Aizkorbek, Urritzolak, Etxarrenek eta Ekaik. Azkenik, beste sei kontzejuk galdu dute populazioa: Hiriberrik (-12), Lizarraga (-8), Etxeberri eta Lizarragabengoa (-2) eta Errotz eta Egiarreta (-1).

Denbora tarte berean Sakanak 70 biztanle galdu zituen, % 0,34ko jaitsiera. Ibarraren biztanleria jaitsieraren % 10 kontzejuetan izan zen. Sakanako populazioaren % 6,85 16 herri horietan bizi dira. Udal diren gainontzeko 13 herrietan, berriz, 18.802 bizi dira, ibarreko biztanleriaren % 93,15.