Beñat Katarain bigarrena Jurramendi Trailean

Igandean 297 korrikalarik hartu zuten parte Aiegin jokatutako IV. Jurramendi Trailean. 297 korrikalarik hartu zuten irteera 24 km eta 1.700 m desnibel positibo osatzeko eta horietatik 284k lortu zuten proba despeditzea. Ez zen sorpresarik egon eta aurten Salomon Team taldean debutatu duen Aritz Egea (2:04:41) izan zen nagusi, gizonezkoetan, eta Alizia Olazabal beteranoa (2:41:22) emakumezkoetan. Bere maila ikaragarria erakutsi zuen Egeak eta izugarri disfrutatu zuela onartu zuen. Bigarrenari, Beñat Katarain lakuntzarrari, ia lau minutu atera zizkion (2:08:52).

Bestalde, II. Jurramendi Txiki Trailen (11 km eta 600 m desnibel positiboa) 99 korrikalarik hartu zuten parte eta Alberto Azparren (58:41) eta Pilar Ruiz (1:18:21) gailendu ziren. Ibon Arregi lakuntzarra 16.a sailkatu zen (1:08:48).

Sakandarrak Xabier Mendizabalen Oroimenezkoan
Larunbatean Xabier Mendizabalen Oroimenezko VII. Mendi Lasterketa jokatu zen, Beasaingo Arriaranen, bi distantziatan. 23 km-ko proba Martin Diez segurarrak (1:49:45) eta Vanessa Pelaez andoaindarrak (2:17:28)  irabazi zuten. Aitor Hernaiz 38.a sartu zen (2:18:41). Eta proba laburrean (11 km) Iñaki Arriaran oñatiarra (49:17) eta Oihana Arratibel (59:22) izan ziren azkarrenak. Juan Larrea altsasuarra 7.a sartu zen (52:46), Jabi Gasanz altsasuarra 10.a (54:01), Fermin Azkargorta iturmendiarra 21.a (56:12), Jokin Bereziartu 22.a (56:12) eta Joseba Galarza iturmendiarra 49.a (1:05:46).

Sakandarrak Jurramendi Trailean
1.Aritz Egea:        2:04:41
2.Beñat Katarain:    2:08:52
9.Ander Erice:        2:22:44
11.Mikel Altadill:    2:24:05
18.Joxeja Maiza:    2:29:45
36.Alberto Razkin:    2:39:43
74.Iñaki Zabaleta:    2:49:59
81.Juan D. Lakuntza:    2:52:49
93.Fran Araña:    2:55:22
202.Henrik Vacun:    3:22:11
247.Iban Verdugo:    3:39:07
248.Maria Goikoetxea: 3:39:07

Sakandarrak Jurramendi Txikian
1.Alberto Azparren:    58:41
16.Ibon Arregi:    1:08:48