Amaiur dantza taldeak 22 urtez Folk Lore Eguna antolatu eta larunbatean Iruñean ospatu zuen. Antolatzaileekin batera beste hamar dantza taldek parte hartu zuten ospakizunean eta haien artean hiru sakandar zeuden: Orritz (Irurtzun), Galtzorratz (Uharte Arakil) eta Elai Alai (Lakuntza). 11:30ean Iruñeko Alde Zaharrean barna kalejira egin zuten eta hura despeditzean, 13:00etan, Burgoen plazan ikuskizuna eskaini zuten. Dantzari, musikari, laguntzaile eta lagunek dantzaren inguruan egun atsegina pasatzeko asmoz antolatzen da eguna.
Dantzari sakandarrak Iruñean
2018ko api. 19a, 11:20
