Asteburuan jokatu zen Manuel Iradier elkarteak antolatutako Hiru Haundiak mendi lasterketa, Gorbeia, Anboto eta Aizkorri batzen dituena, 101 km-ko proba gogorra. 967 korrikalarik osatu zuten proba eta Javi Domingez izan zen azkarrena, 11 ordu pasatxo korrikan eman eta gero (11:14:08). Emakumeetan Maite Maiora izan zen txapelduna (12:48:37). Sakandarrei dagokienez, Patxi Rubio 258.a iritsi zen helmugara, 259.a sailkatu zen Aran Larrañaga bikotearekin batera (biak 17:34:43).
Sakandarrak Hiru Haundietan (101 km)
1. Javi Domingez (Gasteiz) 11:14:08
258. Patxi Rubio (Uhar) 17:34:43
259. Aran larrañaga (Uhar) 17:34:43
260. Aitor Salinas (Etx) 17:35:18
363. Javi Zeberio (Bak) 18:47:25
381. Patxi Rodriguez (Alts) 18:56:13
418. Iban L. de Sabando (Etx) 19:15:17
459. Mikel Berastegi (Arb) 19:41:20
460. Amaiur Ginea (Arb) 19:41:21
559. Xabier Mauleon (Etx) 20:47:20
* Sergio Goñik (Olazti), Joxeja Maizak (Etxarri Aranatz) eta Joseba Gorritxok (Etxarri Aranatz)
proba utzi egin behar izan zuten.
Katarain laugarrena Leiren
Larunbatean Juan Migeliz Leire Traila jokatu zen, 21 km-ko eta 1.400 metroko desnibel positiboko proba, Leireko monasterioan hasi eta despeditu zena. 320 korrikalari zeuden izena emanda eta 303k lortu zuten proba despeditzea, Euskal Selekzioko Ander Iñarra (1:54:52) buru zela. Bere taldekide Beñat Katarain lakuntzarra laugarrena sartu zen (2:00:02), 5 minutu pasatxo.
Jose Luis Beraza 12.a izan zen, probako lehen beteranoa (2:09:59), eta bere atzetik, 13. postuan, Ander Unzurrunzaga beterano etxarriarra sartu zen (2:11:07). Alejandro Mutiloa 168.a sartu zen (2:56:32) eta Iñigo Aldunate 169.a (2:56:34).
Bestalde, Eltxo Traileko proba luzean (21 km) Raul Amatriain (1:30:14) eta Alizia Olazabal (1:49:32) izan ziren txapeldunak. Aritz Munarriz etxarriarra 6.a iritsi zen helmugara (1:38:52).
Sakandarrak Hiru Haundietan
Gorbea, Anboto eta Aizkorri batzeko 14 ordutik gora ibili behar izan ziren gure mendizaleak