Arakilgo Udalaren Kultur Zerbitzuak udazkenerako prestatu duen agendaren barruan haurrei eskainitako eguna dago. Izurdiagako elkarteak hartuko du ospakizuna igande arratsaldean, 17:00etatik aurrera. Igor Lanzek eta Miren Bajok haurrendako eskulan tailerra bideratuko dute. Horren ondoren, guztiendako txokolate-jana izanen da 18:30ean. Eta arratsaldea despeditzeko Izaskun Mujika ipuin kontalaria ariko da.
